తాజాగా హర్మోజ్ జలసంధి మూసివేతకు ఇరాన్ సిద్ధమవుతుందన్న వార్త ప్రపంచాన్ని కలవరపెట్టింది. ఈ పరిణామం, మిడిల్ ఈస్ట్ ఇప్పటికే యుద్ధ భయంతో ఉన్న సమయంలో చోటుచేసుకోవడం మరింత గంభీరతకు దారి తీస్తోంది.
అమెరికా దాడులకు స్పందనగా కీలక ప్రతిపాదన
జూన్ 22, 2025న అమెరికా ఇరాన్లోని మూడు ప్రధాన అణు కేంద్రాలపై దాడి చేసింది. ఫోర్డో, నతాంజ్, ఇస్ఫహాన్లపై ఈ దాడులు జరిగిన తరువాత, ఇరాన్ పార్లమెంట్ హర్మోజ్ జలసంధిని మూసివేయాలనే ప్రతిపాదనను ఆమోదించింది. అయితే, చివరి నిర్ణయం ఇరాన్ సుప్రీం నేషనల్ సెక్యూరిటీ కౌన్సిల్ మరియు అయతుల్లా అలీ ఖమేనీ చేతుల్లో ఉంది.
హర్మోజ్ జలసంధి మూసివేత – గ్లోబల్ ప్రభావాలు
- ప్రపంచ చమురు సరఫరాలో 20% హర్మోజ్ జలసంధి ద్వారానే రవాణా అవుతుంది.
- రోజుకు 20 మిలియన్ బ్యారెల్స్ చమురు, 30% లిక్విఫైడ్ నేచురల్ గ్యాస్ ఈ మార్గంలో వెళ్తున్నాయి.
- మూసివేతతో చమురు ధరలు $80 → $100 పైగా చేరే అవకాశం ఉంది.
- ఇది ప్రపంచవ్యాప్తంగా ద్రవ్యోల్బణం పెరుగుదలకు దారితీస్తుంది.
భారతదేశంపై ప్రభావం
- భారత్కి వచ్చే చమూరులో 40% మధ్యప్రాచ్య దేశాల నుంచే వస్తుంది.
- రోజుకు 2 మిలియన్ బ్యారెల్స్ హర్మోజ్ జలసంధి ద్వారానే వస్తాయి.
- రష్యా, బ్రెజిల్, నైజీరియా, అమెరికా వంటి దేశాల నుంచి వచ్చే చమురు, గ్యాస్ హర్మోజ్పై ఆధారపడదు.
- అయినప్పటికీ, ధరలు పెరగడం వల్ల ఇంధన ద్రవ్యోల్బణం పెరగడం ఖాయం.
చైనా, జపాన్, దక్షిణ కొరియా మీద ప్రభావం
- ఈ దేశాలు హర్మోజ్ మార్గంలో 67% చమురు దిగుమతి చేస్తాయి.
- ఇరాన్ చమూరులో 90% చైనా నుంచే కొనుగోలు జరుగుతోంది.
- కాబట్టి, చైనా భారీగా నష్టపోతుంది.
సైనిక ఘర్షణలకు అవకాశమా?
- అమెరికా 5th ఫ్లీట్ బహ్రెయిన్లోనే ఉంది. హర్మోజ్ సమీపంలోనే పెట్రోలింగ్ చేస్తోంది.
- హర్మోజ్ మూసివేతకి అమెరికా సైనికంగా స్పందించే అవకాశం ఉంది.
- ఇది మిడిల్ ఈస్ట్లో పెద్ద యుద్ధానికి దారి తీసే అవకాశం ఉంది.
ప్రపంచ ప్రతిస్పందన
- అమెరికా సెనేటర్ మార్కో రూబియో, చైనాను ఇరాన్పై ఒత్తిడి తెచ్చేలా కోరారు.
- అధ్యక్షుడు ట్రంప్, అణు కేంద్రాలపై దాడి “సిగ్నల్ అటాక్” మాత్రమేనని తెలిపారు.
- ఇరాన్ మాత్రం తల వంచేది లేదని గట్టిగా చెబుతోంది.
